23.09c
Երեվան
ուրբ, ապր 19
Քիչ առաջ «Էլ. Պի. Սի. Այ.» կայանը, որ յատուկ թողարկումներով կը հետեւի Լիբանանի նոր խորհրդարանի ընտրութիւններու արդիւնքներուն, կարճ ռէբորթաժ մը սփռելով յայտարարած է, որ «Ազգային ազատ հոսանք» եւ «Ալ Մուսթաքպալ» կուսակցութիւնները առաջատար են:
Կայանը, յղում կատարելով «Միջազգային տեղեկատուական» («Տուալիյէէ լիլմահլումաթ») կեդրոնին յայտնած է, որ նախագահ Աունի հետեւորդները պիտի ստանան 21 աթոռ, ինչպէս նաեւ վարչապետ Սաատ Հարիրիի գաղափարակիցները նոյնպէս պիտի ստանան 21 աթոռ:
Այս երկու ուժերուն կը հետեւի խորհրդարանի նախագահ Նէպիհ Պըրիի, «Հըզպալլա»ի եւ «Լիբանանեան ուժեր»ու կազմելիք պլոքները:
Այս արդիւնքները նախնական են՝ տրուած ըլլալով, որ քուարկութիւններու առաջին արդիւնքները յայտնի կրնան ըլլալ կէս գիշերը անց (Պէյրութի ժամանակով):
