Հզօր պայթում մը որոտացած է Հալէպի գիւղական շրջան համարուող «Ալ Ազան» լեռնային հատուածին մէջ:
«Սուրիական դիտարան» ընդդիմադիր կայքին փոխանցմամբ պայթումը արդիւնք է օդային հարուածի մը: Աղբիւրը նաեւ կը յիշեցնէ, որ այդ շրջանը կը համարուի լիբանանեան «Հըզպալլա» կուսակցութեան եւ Սուրիոյ մէջ տեղակայուած իրանեան ջոկատներու կարեւոր կեդրոնատեղի մը:
Մինչեւ այս լուրին գրուիլը դէպքին հետեւանքով գրանցուած մարդկային կորուստներուն մասին լուր չի հաղորդուիր:
Իր կարգին «Ալ Մայատին» կայանը, որ կը համարուի Սուրիոյ կառավարութեան մօտիկ աղբիւր մը հերքած է պայթումին մասին բոլոր լուրերը զանոնք համարելով իրականութեան հետ առնչութիւն չունեցող լուրեր: