25.09c
Երեվան
ուրբ, ապր 19
Սուրիոյ պատերազմի հետեւանքով ռազմական գործողութիւններու ենթարկուած Լաթաքիոյ արուարձանն արդէն սկսած է վերագտնել իր երբեմնի կենսունակութիւնը:
«Ալ Տիար» լրատուական կայքին փոխանցմամբ, Լաթաքիոյ գիւղերու բնակիչները անցնող տարիներու ընթացքին դժուարութեամբ կարողացան յաղթահարել մահը, հակառակ զինեալներու կողմէ մեծ թիւով ընտանիքներ սպանդի ենթարկուելուն, կիներու եւ երեխաներու արտահանման, բնակարաններու եւ ցանքի հրդեհման:
Այսօր այլ է վիճակը Լաթաքիոյ գիւղեր վերադարձող բնակիչներուն, որոնք յոյսով ներշնչուած սկսած են վերանորոգել իրենց քանդուած ու հրկիզուած բնակարանները, ինչպէս նաեւ վերստին լծուած են վար ու ցանքի աշխատանքներուն:
Աղբիւրին փոխանցմամբ, Սուրիոյ կառավարութիւնն ու մարդասիրական կազմակերպութիւնները մեծապէս կ'օժանդակեն քաղաքացիներուն, առաջնային անհրաժեշտութեան օգնութիւններ տրամադրելով անոնց:
