Ձեր Թուրքիան յոյներէն, հայերէն եւ քիւրտերէն գողցուած հայրենիքն է. Քիւրտ պատգամաւոր... Հրապարակուած է ՔՊ ցուցակի առաջին տասնեակը... Ով է այն թուրք պաշտօնեան, որ կարեւոր տեղեկութիւններ ունի Խաշըքճիի սպանութեան եւ տասնեակ այլ կարեւոր խնդիրներու մասին... «Պուքինիստ»՝ Երեւանի ամենահին գրախանութը...
Արսէն Արծրունիի կեանքին վտանգ կը սպառնայ. Հարազատները կ'ահազանգեն
Արսէն Արծրունիի կեանքին վտանգ կը սպառնայ. Հարազատները կ'ահազանգեն
29 Դեկտեմբեր 2017 , 20:41

Արսէն Արծրունիի առողջական վիճակը ճգնաժամային է. այս մասին կը յայտնեն անոր հարազատները:

Ներկայացնելով Արսէնի մօտ յայտնաբերուած հիւանդութիւնը (դիֆուզ բազմահանգուցաւոր խպիպ II աստիճանի) եւ բանտային պայմաններուն մէջ բուժման անհնարինութիւնը՝ հարազատները հիւանդի կեանքի փրկութեան միակ ելքը կը տեսնեն անոր ազատ արձակելու մէջ:

«Արեւելք» այս առիթով զրուցած է Արսէն Արծրունիի եղբօր՝ Սեւակ Արծրունիի հետ:


-Պարոն  Արծրունի՛, օրերս Դուք Դիմատետրի միջոցաւ Ձեր եղբօր՝ Արսէն Արծրունիի առողջական վիճակի հետ կապուած ահազանգ հնչեցուցած էիք: Ինչպէ՞ս է այսօր անոր վիճակը:


-Դիմատետրի վրայ եղած յայտարարութիւնը ամբողջութեամբ կը համապատասխանէ իրականութեան: Երկար ժամանակ է, որ Արսէնը կը տառապէր տարբեր անհասկնալի հիւանդութիւններէ,  բողոքներ ու գանգատներ ունէր, որոնց պատճառը չէինք կարնար հասկնալ, եւ խնդրեցինք բանտային իշխանութիւններէն, որ թոյլ տան բժշկական ընդհանուր հետազօտութիւն կատարենք, ինչը եւ տեղի ունեցաւ: Դժբախտաբար, այդ հետազօտութիւններու արդիւնքները ցոյց տուին, որ Արսէնի մօտ առկայ է վահանաձեւ գեղձի չափերու մեծացում: Աւելին, վահանաձեւ գեղձի շրջանին առկայ են նաեւ բազմաթիւ ուռուցքներ, հանգոյցներ, որոնց ծագումը յայտնի չէ:

Նկատի ունենալով իր բանտային կացութիւնը՝ հնարաւոր չէ ո՛չ աւելի խոր հետազօտութիւն կատարել, ո՛չ ալ բուժում նախաձեռնել: Անոր վերադարձուցին բանտ, ուր կը շարունակէ իր առողջական խնդիրներուն պատանդը մնալ, իսկ այդ խնդիրներու հետեւանքները ամէն ժամ կրնան անդառնալի ըլլալ:

Մենք այս պահին դեռ չենք գիտեր՝ այդ հանգոյցները քաղցկեղածի՞ն են, թէ ոչ: Եւ եթէ քաղցկեղածին են, ապա մենք շատ-շատ ժամանակ կը կորսնցնենք, ամէն մէկ վայրկեանը թանկ է անոր առողջութեան համար: Իսկ եթէ քաղցկեղածին չեն, ապա սա այն հիւանդութիւնն է, որ բանտային պայմաններու մէջ անհնար է բուժել, կ'ունենայ հետեւանքներ, որոնք կ'ազդեն ոչ միայն գեղձային, հորմոնալ համակարգի վրայ, այլեւ նկատելի բացասական ազդեցութիւն կ'ունենայ նաեւ սրտի, ուղեղի աշխատանքի, շնչառական համակարգի, քունի, կեդրոնացման վրայ, մէկ խօսքով, հիւանդութիւնը շատ ուղղութիւններով իր քայքայիչ հետեւանքները կ'ունենայ հիւանդի վրայ, կրճատելով անոր կեանքի տեւողութիւնը: Իսկ եթէ այս ամէնուն գումարենք նաեւ բանտային զրկանքները, առողջապահական պայմաններու բացակայութիւնը, հոգեբանական  գործօնը եւ շատ այլ հարցեր, ապա կարելի է հասկնալ, թէ այսօր ինչպիսի վտանգ կը սպառնայ Արսէնի կեանքին:


-Ի՞նչ կ'ակնկալէք: Ինչպէ՞ս կը տեսնէք անոր մօտ յայտնաբերուած հիւանդութեան բուժումը:


-Այս պահին միայն  ազատ արձակում կ'ակնկալենք, որպէսզի հնարաւոր ըլլայ համապատասխան բժշկական միջամտութիւն, արհեստավարժ մօտեցում ցուցաբերել: Արսէն Արծրունին Լիբանանի քաղաքացի է, եւ ազատուելու պարագային անմիջապէս Լիբանան պէտք է տեղափոխուի՝ բժշկական անհրաժեշտ օգնութիւնը ստանալու համար. ան պէտք է ամբողջական հետազօտութեան ենթարկուի, եւ մենք ընտանեօք կ'ապահովենք անոր բուժման լաւագոյն պայմանները: Լիբանանի մէջ ան կ'ունենայ ապաքինուելու աւելի նպաստաւոր պայմաններ:  Ես մեծ հաւատ ունիմ, որ նոյնիսկ քաղցկեղի պարագային ազատութեան պայմաններու մէջ հնարաւոր կ'ըլլայ անոր կեանքը փրկել: Անմիջապէս բանտէն ազատումը մեր առաջին պայմանն է ու ակնկալիքը:


-Իսկ  որո՞ւ կ'ուղղէք Ձեր կոչը, պատգամը...


-Արսէն Արծրունին քսաներեք տարի է բանտն է, ան քաղաքական դատավարութեան արդիւնքով յայտնուած է այնտեղ, եւ հակառակ անոր, ան ամբողջ քսաներեք տարի բանտին մէջ զերծ մնացած է քաղաքական գործունէութենէ, գործը երբեք չէ շահարկած, զբաղուած է մտաւորականի կեանքով, բանտային պայմաններու մէջ ան երկրորդ անգամ ուսանելու հնարաւորութիւն ունեցած է, դարձած է հոգեբանական գիտութիւններու թեկնածու:

Այս հանգամանքները նկատի ունենալով, անոր շատոնց ազատ արձակուիլ կը հասնէր, սակայն ինչ-ինչ պատճառներով, ինչ-որ շահարկումներու հետեւանքով Արսէն Արծրունին այսօր տակաւին բանտն է: Բայց այսօր, նկատի ունենալով անոր առողջական իրավիճակը, ես կոչ կ'ընեմ, որ  բոլոր կողմերը ձեռնպահ մնան քաղաքական շահարկումներէն, հիմնուին բացառապէս մարդասիրական սկզբունքներու վրայ եւ ձգեն, որ Արսէնը, վերադառնալով իր ծննդավայր, համապատասխան բուժում ստանայ: Այս ամէնէն կախուած է անոր ճակատագիրը: Սա այլեւս կեանքի ու մահուան խնդիր է:

 

 


 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture