image

Լիբանանահայ լրագրող Փօլա Եագուպեան մեկնած է Ռիատ. Ան հարցազրոյց պիտի կատարէ Վարչապետ Հարիրիին հետ

Լիբանանահայ լրագրող   Փօլա  Եագուպեան մեկնած է  Ռիատ.  Ան հարցազրոյց պիտի  կատարէ Վարչապետ Հարիրիին հետ

Լիբանանահայ          անուանի  լրագրող  Փօլա   Եագուպեան  այսօր յետմիջօրէին մեկնած է Ռիատ:   Այս մասին լուրը    տրուեցաւ  լիբանանեան  ԶԼՄ-ներու  կողմէ, որ նաեւ հաւասատեցին, թէ Եագուպեան   Ռիատ մեկնած է       բացառիկ  հարցազրոյց մը   կատարելու  Լիբանանի   հրաժարեալ վարչապետ  Սաատ Հարիրիին հետ:

 Նշենք, որ հարցազրոյցը       ուղիղ  սփռումով մը պիտի ներկայացուի  Պէյրութի ժամով այսօր երեկոյեան   ժամը   8:30-ին   եւ այն պիտի սփռուի  լիբանանեան   գրեթէ   բոլոր  ալիքներէն:

 

 Եագուպեան, որ    իր  Ռիատ մեկնելուն մասին դվիթ  մը կատարած էր   գրած էր, որ ինք   առանձինն  պիտի մեկնի    Ռիատ  եւ հարցազրոյցին համար նախատեսուած  չէ,  որ  Հարիրիի պատկանող  «Ալ Մուսթաքպալ»  կայանի  աշխատակիցները   ներկայ  ըլլան եւ         կատարեն    հարցազրոյցին նկարահանումները,  հետեւաբար այդ  աշխատանքները    վստահուած  պիտի ըլլամն Սէուտական  հեռատեսիլի    կայանի մը:

 

 Աւելի ուշ պարզուեցաւ   նաեւ, որ հարցազրոյցին    նոյնպէս     մասնակից պիտի ըլլայ      լիբանանցի   այլ յայտնի լրագրող    մը ՝ Նատիմ Քըթէյշը:

 

 Նշենք, որ Եագուպեան  երկար տարիներէ ի վեր կը  գործէ  «Ալ Մուսթաքպալ» կայանին  մէջ եւ  ան կը համարուի   Վարչապետ Հարիրիի  ու անոր քաղաքական   կողմին  վստահելի   լրագրողներէն մին: