Պէյրութի Զուքաք Ալ Պիլաթ շրջանին մէջ արիւնալի դէպքեր տեղի ունեցած են, կը գրէ «Only Lebanon» կայքը:
Կայքին փոխանցմամբ, 14 տարեկան երեխան, որ «Grand Theft Auto – GTA» խաղի սիրահար է, պատճառ դարձած է իր հօր, շէնքի սուրիացի պահակին եւ դրացիներէն մէկուն մահուան:
Ըստ անվտանգութեան ուժերու փոխանցած տեղեկութիւններուն, Ալի Եունէս անունով պատանին, ազդուելով իր խաղացած խաղերէն, վերցուցած է իր հօր որսորդական հրացանն ու դուրս եկած տունէն: Հայրը փորձած է ետ վերձնել հրացանը, սակայն տեղի ունեցած վիճաբանութեան հետեւանքով Ալի կրակ բացած է անոր ուղղութեամբ: Այնուհետեւ շէնքի սուրիացի պահակը փորձած է միջամտել, ու Ալի նոյնպէս կրակ բացած է անոր վրայ ու սպանած զինք: Պատանին յաջորդաբար սպանած է նաեւ պահակին կինն ու դրացիներէն մէկը: Այսպիսով դէպքի վայրը դարձած է Ալիի վիտէօ խաղերուն մէջ պատկերուած ոճրագործութեան դաշտերէն մին:
Դէպքի պահուն շրջակայ սրճարաններէն մէկը գտնուող երիտասարդները յաջողած են կասեցնել պատանին, այնուհետեւ ներկայացած են անվտանգութեան աշխատակիցներն ու ձերբակալած են զինք:
