Սուրիոյ ֆութպոլի հաւաքականի աստղ Մարտիկ Մարտիկեան Սուրիոյ ժողովուրդին ուղերձ յղած է:
Մարտիկեան իր խօսքը հնչեցուցած է երէկ՝ Մոնտիալ 2018-ի զտումի մրցումներուն Սուրիոյ Աւստրալիոյ դէմ կրած պարտութենէն անմիջապէս ետք:
Հայազգի մարզիկը մասնաւորապէս ըսած է «Ցաւի ճիչ՝ կոտրուած սրտէ: Հաւատացէ՛ք, Մոնտիալի բաժակին համար չեմ նեղուած, այն ինծի համար կարեւոր չէ: Ինծի ցաւ պատճառողը ձեր յոյսերը չարդարացնելն էր: Կը նեղանամ, որ այդքան յուզուեցաք ու մենք չկրցանք ժպիտ մը գծել Սուրիոյ երեխաներու դէմքերուն: Շնորհակալութիւն Սուրիոյ ժողովուրդին ամէնուր՝ մեզի քաջալերելու համար: Ներողութիւն կը խնդրեմ ձեզմէ, փորձեցինք մեր լաւագոյնը ներկայացնել, մեր ամէն ուժով պայքարեցանք ձեզի ուրախացնելու եւ միաւորելու համար: Սրտանց շնորհակալութիւն կը յայտնեմ: Ի վերջոյ մէկ երազ է, մէկ ժողովուրդ եւ մէկ սիրտ: Կը սիրեմ քեզի Սուրիա»: