image

Վախճանած է Տ. Նորայր եպս. Աշըգեանը

Վախճանած է  Տ. Նորայր  եպս.  Աշըգեանը

Այսօր առաւօտ ի տէր  հանգած  է     Մեծի  Տանն Կիլիկոյ  Կաթողկոսութեան միաբաններէն  Տ.  Նորայր եպս.  Աշըգեան:

Այս մասին  «Արեւելք» տեղեկութիւն ստացաւ Պէյրութի իր աղբիւրէն:   Նշենք, որ Սրբազան   հայրը  ծանր   հիւանդութեան հետեւանքով  վերջին շաբաթներուն       յայտնուած է     դժուար  վիճակի մը  մէջ:   Տ. Նորայր  Սրբազան  վերջին տարիներուն  ձեռնհասօրէն կը վարէր   Մեծի Տանն Կիլիկիոյ Կաթողիկոսարանի  տպարանի  վարիչի  պաշտօն:

 

Սրբազան   հայրը  տարեսկիզբին    եղած է     Ն.Ս.Օ.Տ.Տ.  Արամ   Ա. Կաթողիկոսի     Սուրիա եւ յատկապէս      Հալէպ տուած    այցելութեան  պատուիրակութեան     անդամ:

Ան ծնած է    Քեսապ   (Սուրիա)  եւ    երկար տարիներ    հովուական  ծառայութիւն        մատուցած է  Գամիշլիի  հայկական  համայնքին   մէջ: 

Մեր  տեղեկութիւններով Սրբազան հօր  վերջին օծումն ու յուղարկաւորութեան  եւ  թաղման կարգը պիտի կատարուին յառաջիկայ երկուշաբթի  օր Անթիլիասի Սուրբ Գրիգոր   Լուսաւորիչ  Մայր  Տաճարէն ներս, որմէ ետք   վախճանեալին մարմինը պիտի ամփոփուի   Կաթողիկոսարանի     Միաբանական   գերեզմանատան մէջ: ւ

«Արեւելք»  այս  առթիւ իր խորազգաց   ցաւակցութիւնները կը  յայտնէ Մեծի Տանն Կիլիկիոյ     Ն.Ս.Տ.Տ.  Արամ Ա.  Կաթողիկոսին, ինչպէս նաեւ   Անթիլիասի  միաբանութեան եւ  վաճանեալ  սրբբազանի  հարազատներուն: