Այսօր կէսօրին երկու հրթիռներ ինկած են Քեսապի ծայրամաս համարուող «Էսկիեուրան» շրջանին վրայ: Այս մասին «Արեւելք» տեղեկութիւն ստացաւ Քեսապի իր աղբիւրէն: Մեր աղբիւրը նոյնպէս հաղորդեց, որ հրթիռներու պայթումին հետեւանքով զոհեր կամ նիւթական վնասներ չեն գրանցուած: Ըստ մեր աղբիւրին ահաբեկիչ զինեալներու դիրքերը կը գտնուին «Էսկիեուրան»էն շուրջ 15 քլմ. հեռաւորութեան վրայ:
Հայկական գիւղին մէջ իրավիճակը բնականոն հունի մէջ է: