Պարսելոնայի ահաբեկչութեան զոհերու թիւը 18-ն է. Անոնք կու գան տարբեր երկիրներէ... Ամենայն Հայոց Կաթողիկոսը ցաւակցագիր յղած է Սպանիոյ թագաւորին... Ահաբեկչութիւն Ֆինլանտայի մէջ. Կայ 1 զոհ եւ 8 վիրաւոր... Արեւմուտքը չի վստահիր Ատրպէյճանին...
«Յունուար 19»ի նախաձեռնութեան առանցքային ժողովը Պէյրութի մէջ
«Յունուար 19»ի նախաձեռնութեան առանցքային ժողովը Պէյրութի մէջ
21 Յունիս 2017 , 21:30

Սփիւռքի Պատմութեան Մէջ Առաջին Անգամ Փոքր Ասիոյ Ժողովուրդներու «19 Յունուար» Նախաձեռնութիւնը եւ Ռ.Ա.Կ.-ի Իրաւանց Խորհուրդը Միաւորեցին հայ, ասորի, քիւրտ, յոյն, Պոնտոսի յոյն եւ թուրք յառաջադէմ մտաւորականութիւնը Յունիս 18-ի Փառաւոր Խորհրդաժողովով 100 տարիներէ ի վեր առաջին անգամ ըլլալով, Օսմանեան թէ «Աթաթուրքեան», «Էվրէնեան» թէ «Էրտողանեան» վարչակարգերու կողմէ ցեղասպանութեան ենթարկուած բազմաչարչար հայ, քիւրտ, յոյն, ասորի եւ Պոնտոսի յոյն ժողովուրդներու որդիներն ու թոռները, մասնակցութեամբ Թուրքիոյ յառաջադէմ մտաւորականութեան, Հայաստանի, Յունաստանի, Իրաքեան Քիւրտիստանի, Լիբանանի խորհրդարանականներու, նախարարներու, զինուորական թէ քաղաքական ղեկավարներու, 18 Յունիս 2017 թուականի առաւօտեան հաւաքուած էին Պէյրութի Թէքէեան Կեդրոնի «Հրաչեայ Սեդրակեան»ի անուան դահլիճին մէջ: Խորհրդաժողովի համադրողն էր դիւանագիտական լրագրող՝ Համօ Մոսկոֆեանը:

Ռ.Ա.Կ. Լիբանանի Շրջանային վարչութեան ատենապետ Տոքթ. Աւետիս Տագէսեանի եւ Արեւմտահայերու Ազգային Համագումարի նախագահ Սուրէն Սերայտարեանի յանձնարարութեամբ ստանձնեցինք խորհրդաժողովին մասնակից անդամներու ելոյթներու կարգաւորման գործընթացը: Լիբանանի ազգային քայլերգի յոտնկայս ունկնդրութենէն ետք, բարի գալուստի խօսքերով հանդէս եկանք Մայր հարենիքէն (Հ.Հ.դեսպանին եւ հիւպատոսին բացակայութիւնը «զարմանալի» էր), Վրաստանէն, Թուրքիայէն, Իրաքեան Քիւրտիստանէն, Գերմանիայէն, Ֆրանսայէն, Ռուսիայէն, Սուրիայէն, Լիբանանէն ներկայ գտնուող 10 Խորհրդարանի անդամներու, նախարար Ժան Օղասապեանի, Արժանթինի եւ Պաղեստինի դեսպաններուն, Հիւսիսային Սուրիոյ ինքնավար քրտամէտ մարզի (Ռօճավա), «Նեվրուզ» մշակութային, Ընկերային կազմակերպութեան, «Միասնական Ջաւախք» կազմակերպութեան, «Վրացական Երազանք» իշխող կուսակցութեան, «Ասորական Միացեալ Կուսակցութեան», «Լիբանանեան Ուժեր» կուսակցութեան նախագահ Տոքթ.Սամիր Ժաաժայի ներկայացուցիչ Պետական երեսփոխան Շանթ Չինչինեանի, Ազգային անվտանգութեան եւ Լիբանանեան բանակի հիւր զօրավարներու եւ դահլիճը ծայրէ ծայր «գրաւած» լիբանանեան թէ լիբանանահայ կուսակցութեանց, կազմակերպութեանց, միութեանց ներկայացուցիչներու, գաղափարակից ընկերներու, հայրենասէրներու առջեւ: Իրերայաջորդ կերպով բեմ հրաւիրուեցան Ա.Ա.Հ.¬ի նախագահ, Մ.Ա.Կ.¬ի նախկին ընդհանուր քարտուղար Քոֆի Անանի երբեմնի տեղակալ Սուրէն Սերայտարեան, Լիբանանի Հանրապետութեան նախագահի խորհրդական, ասորական հարցերու մասնագէտ եւ միութեան նախագահ Հապիպ Աֆրամ, «Հրանդ Տինք» հիմնադրամի նախագահ¬հիմնադիր Ալի Պայրամօղլու (Թուրքիա), նշանաւոր ցեղասպանագէտ« Պերլինի «Ֆրայ» համալսարանի դասախօսուհի Դոկտ.Թեսա Հոֆման:

Հայաստանի Ազգային ժողովին կողմէ ուղերձով հանդէս եկաւ ծագումով ջաւախքահայ Շիրակ Թորոսեան, Վրաստանի խորհրդարանի անդամ Դաւիթ Չինչինածէ եւ Յունաստանի Խորհրդարանի Պոնտոսի յոյն խմբակցութեան ղեկավար Գէորգիոս Լազարիտիս: Անոնք իրենց զօրակցութիւնը յայտնեցին խորհրդաժողովին եւ կազմակերպիչներուն:

Հետաքրքրական էր Իրաքեան Քիւրտիստանի խորհրդարանի անդամ, նախագահ Մեսուտ Պարզանիի մերձաւոր Ալի Հալոյի ելոյթը, որուն քրտերէն թարգմանութիւնը կատարեց առասպելական ղեկավար Օճալան¬Աբոյի գաղափարական հետեւորդներէն Հանան Օսման («Նեվրուզ»ի նախագահ): «Բոցավառ» ելոյթներ ունեցան Ռօճավայի (Սուրիոյ քրտամէտ հիւսիսային մարզի) պատուիրակ Տիար Ղամըշլօ եւ նոյնինքն Հանան Օսման, ջերմ ու հայասէր խօսքերով խանդավառութիւն յառաջացուցին բոլորին մօտ: Հ.Հ.Ազգային ժողովի ասորական խմբակցութեան պատգամաւոր Արսէն Միխայլովի հիանալի ելոյթը հայ¬ասորական եղբայրական յարաբերութեանց ու գործունէութեանց մասին:

Յատկանշական էր Իրաքեան Քիւրտիստանի հայոց ներկայացուցիչ Երուանդ Ամէնեանի ելոյթը որպէս հայազգի խորհրդարանական, ինչպէս նաեւ Լիբանանի Խորհրդարանի անդամ Շանթ Չինչինեանի փոխանցած պատգամը Լիբանանեան Ուժեր կուսակցութեան կողմէ: Պատմական անցեալի ու ներկայի փաստերով եւ համատեղ պայքարի կոչով ելոյթ ունեցաւ «Ասորական Միութիւն» կուսակցութեան նախագահ Իպրահիմ Մրատ: Նախկին քաղբանտարկեալ, այժմ «Միասնական Ջաւախք» միութեան նախագահ Վահագն Չախալեան եւ քրտական «Ազատութիւն եւ Ընկերվարութիւն» կուսակցութեան նախագահ Սինան Չիֆթյիւրէք (Թուրքիա) փոխանցեցին իրենց ծրագիրները եւ ակնկալիքները խորհրդաժողովին:

Փայլուն կերպով ելոյթ ունեցաւ Ս.Դ.Հնչակեան Կուսակցութեան աշխոյժ ղեկավարներէն Ալեքս Քէօշկէրեան, որ բազմաթիւ կապեր հաստատած ու խորհրդաժողովներու մասնակից դարձած է Թուրքիոյ մէջ: Գերմանիոյ «Աքատեքա» Փոքր Ասիոյ փոքրամասնութեանց ղեկավար անդամ Իպրահիմ Սեւէն անդրադարձաւ Էրտողանեան վարչակարգին կողմէ հրահրուած հալածանքներուն եւ յոռի քաղաքանութեան, որ ուղղուած է տեղահան ընելու նաեւ Թուրքիոյ ժողովրդավարական շարժման պարագլուխները: Ռուսիոյ հայոց պայծառ դէմքերէն, նախագահի աշխատակազմին հետ սերտ կամուրջներ հաստատած Կարինէ Գէորգեանի ելոյթը ռուսերէնով, կարեւոր գործընթացներու նշումներ կը պարունակէր եւ կոչ էր միասնական ջանքերով պայքարը շարունակելու:

Խորհրդաժողովը եզրափակեցին Պոլսոյ շրջանի Թուրքիոյ նախկին խորհրդարանական Ուֆուք Օրաս եւ Ա.Ա.Հ.¬ի նախագահ Սուրէն Սերայտարեան: Շուրջ երեք ժամ տեւած այս խիստ կարեւոր խորհրդաժողովը իր արձագանգները գտաւ հայ թէ օտար մամուլի, ընկերային ցանցերու (ֆէյսպուք, թվիթըր), լիբանանեան պատկերասփիւռի, ինչպէս նաեւ ասորական եւ քրտական հեռատեսիլի եւ ձայնասփիւռի կայաններէն անմիջապէս: Որոտընդոստ ծափերով, մեծ նահատակ Հրանդ Տինքի հսկայական պաստառի հովանիին տակ 3-րդ կարեւոր խորհրդաժողովը աւարտին հասաւ, հիանալիօրէն կազմակերպուած հիւրասիրութենէ ետք: Մասնագէտներու գործնական հանդիպումները շարունակուեցան «Վորվիք»:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture