«Ույ աման, աման...» Մերօրեայ ջան Ֆիտաները երգի պահուն... Այս փուլին Արցախեան հիմնահարցի դիւանագիտական լուծում գոյութիւն չունի. Վարչապետ... Թուրքիա. Քրտամէտ ընդդիմութիւնը Էրտողանէն հաշիւ կը պահանջէ... Կալինա եւ Անտրէյ...Խղճի մարտիկները...
Առաջինն էր, որ անկախութենէն ետք Հայաստան գնաց եւ երկար տարիներ ապրեցաւ...
Առաջինն էր, որ անկախութենէն ետք Հայաստան գնաց եւ երկար տարիներ ապրեցաւ...
18 Հոկտեմբեր 2020 , 14:08

 

ՄԱՐՈՒՇ  ԵՐԱՄԵԱՆ

ՍՈՆԱ ԵԱՐ ԾԱՌ ՋԱՆ


Կրկին ու վերջին անգամ

Ընդհանրապէս «Սոնա եար» էր իր համացանցային հասցէով, իսկ կաղանդի շրջանին «Սոնա ծառ» կ'ըլլար:

Սոնան, երկրորդ կարգի զարմիկս, չկայ արդէն, Երեւանի մէջ գովիտին զոհուած:

Հակառակ որ տարբեր քաղաքներ կ'ապրէինք եւ հակառակ որ Սոնան ինձմէ միայն քանի մը տարի մեծ էր, բայց վրաս խորունկ ազդեցութիւն ձգեր էր. Ճշգրիտ չեմ կրնար ըսել ինչո՛վ, բայց հիմա, երբ իր մահուան լուրը առի ՖՊէն (այս ալ ուրիշ ողբերգութիւն մը, երբ մեր մտերիմներուն մասին ընդհանրական էջերէ կ'իմանանք) անդրադարձայ որ կեանքին հանդէպ իր պայծառ կեցուածքն էր որ ազդած էր վրաս:

Ինք յաճախ միտքիս մէջ եղած է. երբ բանի մը ձեռնարկած եմ, մտածեր եմ՝ Սոնան ինչպէ՞ս պիտի ընէր ասիկա, եւ յետոյ՝ Սոնան ի՞նչ պիտի ըսէ, պիտի հաւնի՞ թէ ոչ:

Իր մասին աղուոր էսսէ-դիմանկար մը գրեր էի եւ իրեն ղրկեր:

«Շատ աղուոր է, Մարո՛ւշ, ըսեր էր, բայց հաճիս մի՛ տպեր»:

Չէի հասկցած թէ ինչո՛ւ չէր ուզած որ տպեմ. Սոնան համեստութենէն մեռնող մէկը չէր, բայց ինչո՛ւ էր այդ «մի՛ տպեր»ը: Այդ գրութիւնս դիմանկարներու շարքի մը մաս պիտի կազմէր (մինչեւ այսօր անտիպ տակաւին):

Պէյրութ ծնած, ուսանած եւ Ամերիկայի մեծ քաղաքներուն մէջ ապրած Սոնան ջուր խմած էր Սփիւռքի լաւագոյն աղբիւրներէն:

Առաջինն էր, որ անկախութենէն ետք Հայաստան գնաց եւ երկար տարիներ ապրեցաւ, գորշ առօրեայի մը մէջ իր լուսաւոր ներկայութեամբ շատեր լուսաւորելով:

Կրկին Երեւան էր. իր ինքնուրոյն միտքը եւ մեծ կարելիութիւնները կրնային այս օրերուն այնքա՜ն օգտակար ըլլալ:

Դեռ երկար պիտի յիշեմ զինք ամէն անգամ որ նոր բանի մը ձեռնարկեմ. հեռու էինք, հեռու պիտի մնանք հիմա աւելի քան երբեք. իմ մտերմութիւնս իր հետ սակայն հեռու-մօտիկ չի ճանչնար:

Մէկ սխալ ըրի, այս բոլորը՝ իմ սէրս իրեն հանդէպ եւ խորունկ գնահատանքս չըսի իրեն: Կը ներես, Սոնա եար ջան ...

Ասկէ ետք մեր հոգիներուն մէջ պիտի ապրիս, լուսաւորելով մեր առօրեան, ինչպէս միշտ ...

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture