«Վերադարձ Ղարաբաղի դժոխքէն: «Էրտողանի վարձկաններ»ը ամէն ինչէ հրաժարեցան»... «Փութինն ամենայն անկեղծութեամբ...» Լեւոն Տէր Պետրոսեան... Թուրքիոյ համար նախատեսուած F-35 կործանիչները Յունաստանի՞ն... Ո՞վ է պատուիրատուն, ո՞վ՝ շահառուն...
Մեր միասնականութեան կրակի մկրտութիւնը
Մեր միասնականութեան կրակի մկրտութիւնը
30 Սեպտեմբեր 2020 , 09:27

Կարօ Արմենեան

 


Ահաւասիկ անգամ մը ևս կեցած ենք պատերազմի թէժ իրականութեան առջև։ Անգամ մը ևս կոչուած ենք խիզախ պատասխան տալու պատմութեան մարտահրաւէրին։ Եւ անգամ մը ևս թուրքևազրպէյճանական նախայարձակումը կը բախի մեր ժողովուրդի, մեր քաղաքական ուժերու և մեր պետականութեան հզօր և միահամուռ հակադարձութեան։ Եւ ինչպէս միշտ՝ ռազմաճակատը ամէն տեղ է։ Թուրքիա և Ազրպէյճան, իրենց ծաւալապաշտ նկրտումնեով, համաշխարհայնացուցած են այս պատերազմը ի սկզբանէ և մենք այս ոսոխը կը դիմագրաւենք ոչ միայն Արցախի և Հայաստանի սահմանագծերուն վրայ, այլև ամբողջ երկրագունտի տարածքին։ Աշխարհի բոլոր գլխաւոր մայրաքաղաքներու ռազմաբեմին վրայ միաժամանակ։ Եւ թշնամին պարտութեան մատնելու անտեղիտալի վճռակամութեա՛մբ։
Անցնող բազմաթիւ տասնամեակներու ընթացքին, Թուրքիա և Ազրպէյճան -Արևմուտքի և Ռուսաստանի քթին տակ – սանձարձակօրէն վարած են փանթուրքիզմի իրենց ոճրային քաղաքականութիւնը տևաբար խաբելով, տևաբար ապակողմնորոշելով, բացէ ի բաց կաշառելով միջազգային քաղաքականութեան տիրող ուժերը։ ԵԱՀԿ-ի Մինսքի Խումբի Համանախագահող Երկիրներն ու իրենց լծակիցները, իրենց թոյլ, անատամ և անվճռական քաղաքականութեամբ, տարիներ շարունակ քաշքշեցին միջազգային դիւանագիտութեան գործընթացը և միւս կողմէ շարունակաբար պարենաւորեցին բազմիցս եղեռնագործ և ֆաշիզմի բոյն հանդիսացող Ազրպէյճանի զինապահեստները։ Եւ աւելի քան հարիւր տարուան շարունակական դիեցումներով, անոնք սնուցին և աճեցուցին այն ռազմամոլ հրէշը, որ կը կոչուի Թուրքիա իր ցեղասպան և ծաւալապաշտ քաղաքականութեամբ։ Եւ թոյլ տուին, որ ան – Նաթոյի իսկ ուժականութիւններո՛վ -- դառնայ մեծագոյն սպառնալիք տարածաշրջանի ամենէն զգայուն կէտերուն վրայ՝ անզօրութեան մատնելով աշխարհակարգի բոլոր ղեկավար ուժերը անխտիր։
Այսօր, այդ հրէշը կը գտնուի մեր դռներուն առջև և յստակ է, որ Կովկասի այս փխրուն քարտէզին վրայ մենք գործ ունինք թուրքևազրպէյճանական փանթուրքիզմի արիւնոտ քաղաքականութեան հետ։
Պատերազմը, որ այսօր հայ զինուորը հերոսաբար կը մղէ Արցախի և Հայաստանի սահմանագծերուն վրայ, ամբողջ աշխարհի պատերազմն է և առաջին հերթին՝ Ռուսաստանի՛։ Յստակ է, որ մեր երկիրը առանձինն կեցած է փանթուրքիզմի ճանապարհին վրայ ամուր պահելով քաղաքակիրթ աշխարհի այս կենսական դարպասը։ Ի վերջոյ եկած է ժամը, որ Արևմուտքն ու Ռուսաստանը լիարժէքօրէն գիտակցին այն դժուարին առաքելութեան, զոր ստանձնած է հայ զինուորը պատասխանատւութեան մեծագոյն զգացումով։ Պէտք է գիտակցին, որ նաև ԻՐԵՆՑ կաշին է խնդրոյ առարկայ ճակատագրական այս առճակատման մէջ։ Այս կռիւի ամէն մէկ դիրքին վրայ ամէն օր և ամէն ժամ կը ճշտուի նաև ԻՐԵՆՑ վաղուան կենսագրութիւնը։ Հայ զինուորը այդ հաւաքական կենսագրութիւնն է, որ կոչուած է գրելու քաղաքակիրթ աշխարհի պատմութեան համար։ Հետևաբար մենք եկած ենք այսօր ըսելու, որ ա՛լ կը բաւէ այն երկչոտ, երկդիմի, կարճատես և անողնայար քաղաքականութիւնը, զոր վարեցիք մինչև հիմա անխնայ զինելով Ազրպէյճանն ու Թուրքիան և ծախելով ձեր զաւակներու ապագան։ Ալ կը բաւէ սղոցէք այն իսկ ճիւղը, որուն վրայ փառաւորապէս նստած էք դուք՝ ինքներդ և նոյնիսկ այս ուշ ժամուն ձեր «խաղաղասիրական» յորդորներով կը ջանաք փախուստ տալ կեանքի իրական հարցերէն։
Մենք այս կռիւը պիտի մղենք վճռակամութեամբ։ Մենք այս կռիւը պիտի մղենք ազգովին։ Եւ կասկած մի ունենաք, որ մեր յաղթական ռազմավարութեան առջև պիտի կքին թրքական ֆաշիզմի ուժերը։ Մենք պիտի շահինք այս պատերազմը։ Մենք նաև պիտի շահինք վաղուան խաղաղութիւնը և մենք զայն պիտի շահինք ամբողջ տարածաշրջանի ժողովուրդներուն համար։ Մենք այս երկիրը պիտի փրկենք ոչ միայն մեր սերունդներուն համար, այլ ողջ քաղաքակիրթ մարդկութեան։ Դաշտէն բացակայողը առայժմ դուք էք ձեր ապիկար, նեղմիտ, անապագայ հաշիւներով։ Եւ ձեր վրայէն է, որ պիտի քալէ պատմութիւնը։ Եւ պիտի քալէ ի շահ որո՞ւն…Հարց տուէք քանի դեռ ուշ չէ։
Սեպտեմբեր 29, 2020
Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture