image

Դոկտ. Վիգէն Յովսէփեան. «Ժամանակն է հաւաքական ճիգերով ոտքի կանգնելու»

Դոկտ. Վիգէն  Յովսէփեան. «Ժամանակն է հաւաքական ճիգերով ոտքի կանգնելու»

 

 Ամերիկահայ  ազգային-քաղաքական  գործիչ  Դոկտ. Վիգէն Յովսէփեան կը գրէ ՝

 

Երէկ երեկոյեան արձագանքեցի Արևմտեան Ամերիկայի հայկական գլխաւոր կազմակերպութիւններուն կողմէ եղած մէկ միացեալ կոչին, ըստ որուն համայնքը պիտի ձեռնարկէ հանգանակել յարաբերաբար համեստ գումար մը` 1.5 միլիոն բաժին ճաշ տրամադրելու կարիքաւոր մարդոց և ընտանիքներու` որպէս խորհրդանիշ Հայոց Ցեղասպանութեան 1.5 միլիոն զոհերուն:

Այս մարդասիրական, խորհրդանշական, բայց միեւնոյն ժամանակ նաև քաղաքական պարունակութիւն ունեցող միջոցառումը իր մէջ կ‘ընդգրկէ գոհաբանութեան խորհուրդ մը ուղղուած ԱՄՆ-ի ժողովուրդին` որուն ջանքերով Ցեղասպանութենէն ճողոպրած հարիւր-հազարաւոր որբերու և գաղթականներու կեանքերը փրկուեցան:

Այսօրուան համաճարակի և արհաւիրքի օրերուն, ես կասկած չ‘ունիմ թէ մեր համայնքի խորհրդանշական այս քայլի հզօր պատգամը, և անոր շուտով ստեղծելիք դրական քարոզչութիւնը, հարիւրապատիկ աւելի մեծ տարողութեամբ բարիքներ և նպաստ պիտի վերադարձնեն մեր հայրենիքին և մեր ազգին:

Նպատակներէն մին նաև ու ճշգրիտ պատգամը փոխանցելու համար, 2-3 խոշոր նուիրատւութիւններով գումարը ամբողջացնելու փոխարէն ունենալն է հարիւրաւոր նուիրատուներու մասնակցութիւնը:

Հետեւաբար, կոչ կ‘ընեմ ընկերներուս և հայրենակիցներուս, որպէսզի յանուն մեր զոհերուն և յանուն մեր սրբազան Դատին, նուիրաբերեն ընթացող համեստ նուիրահաւաքին: Անգամ մը ևս ժամանակն է հաւաքական ճիգերով ոտքի կանգնելու և մեր Դատին տիրութիւն ընելու:

Կը խնդրեմ միանաք: