Թանկարժէք իրերը վերի յարկերուն մէջ են եւ վտանգուած չեն. Մխիթարեանի միաբան (Լուսանկարներ)... «Լիտիան Արմենիա»ն դատ բացած է նախարարութեան դէմ... Վերջին ժամ. Լայնածաւալ ցոյցեր Իրանի մէջ. Իրանեան 100-է աւելի քաղաքներու մէջ ցոյցեր տեղի ունեցան... Սանդիկ եւ կրիճ. Քեսապի նիւթական արժէքները...
Հասած է մեր գրոհին պահը. Վիգէն Յովսէփեան
Հասած է  մեր գրոհին պահը.  Վիգէն  Յովսէփեան
28 Հոկտեմբեր 2019 , 16:46

Ամերիկահայ  ազգային-քաղաքական գործիչ Վիգէն  Յովսէփեան, գրառում մը կատարելով, անդրադարձած  է ԱՄՆ Գոնկրեսին կողմէ՝ վերջին  օրերուն հրատապ դարձած  Հայոց Ցեղասպանութեան ճանաչման   խնդրին: Իր  շահեկանութեան համար գրառումը կը հրապարակենք ամբողջութեամբ.

 

 

 

Դէպի Յաղթանակ.

 

 

Տասնամեակներէ ի վեր ամերիկահայ քաղաքական օրակարգի գլխաւոր մարտահրաւէրը եղած է այն թէ Միացեալ Նահանգներու դաշնակցային մարմինները - սկսած Քոնկրէսէն ու հասած նախագահ - չեն ճանչցած Հայկական Ցեղասպանութիւնը որպէս այդպիսին` այսինքն որպէս հայ ժողովուրդի դէմ ծրագրուած և գործադրուած ցեղասպանական ծրագիր:

 

Անհատ քաղաքական գործիչներ, քոնկրէսմեններէ  մինչև նախագահական թեկնածուներ յաճախ յայտարարութիւններ կատարած են ու հաստատած Հայկական Ցեղասպանութեան պատմական փաստը, Միացեալ Նահանգներէն 50-էն 49-ը ճանչցած են նոյն փաստը, բայց դաշնակցային մակարդակով Հայկական Ցեղասպանութեան ճանաչումը միշտ ալ խաղերու և խոստմնադրժութեան ճամբով չէ յաջողած պաշտօնական ճանաչում ստանալ:

 

Այս ձախողութեան պատճառը կամ պատճառները պարզ են: Առաւելաբար ԱՄՆ-ի աշխարհաքաղաքական շահերէն մեկնելով, միշտ ալ պետքարտուղարութիւնը և ամերիկեան ռազմական շահեր ներկայացնող Փենթակոնը իրենց անխնայ ճնշումները գործադրած են քաղաքական մարդոց և պաշտօնական մարմիններու վրայ չ‘առնելու քայլ մը որ պիտի վնասէ կամ յաւելեալ պրկէ Թուրքիոյ հետ գոյութիւն ունեցող կարևոր կապերը: Այս ճիգին յաճախ միացած են տնտեսական շահերէ թելադրուած շրջանակներ` ռազմա-արդիւնաբերական ընկերութիւններէ մինչև ծխախոտի արտադրութեամբ զբաղող լոբբին: Վերջապէս, պէտք չէ թերագնահատել փրօ-Իսրայէլեան լոբբիին դերը որ մեծ եղած է այս գծով ԱՄՆ-ի առած քայլերը հունաւորելու մէջ` ի ծառայութիւն Թուրքիոյ շահերուն:

 

Մեր հաւաքական «սրտի մխիթարանքը» արտայտած են ոմանք, առաջադրելով այն թէզը թէ այնքան ալ կարևոր չէ թէ Հայկական Ցեղասպանութիւնը ճանչցող ու դատապարտող բանաձև մը կ‘ընդունուի թէ ոչ պաշտօնական ԱՄՆ-ի կողմէ: Ուրիշներ նշած են թէ օրին նախագահներ իրենց խօսքերուն մէջ ակնարկած են արդէն Ցեղասպանութեան: Տակաւին ուրիշներ առաջարկած են պայքարը փոխադրել դատարաններու հարթութիւն` ձեռք քաշելով ճանաչման գործընթացէն: Այս «մխիթարանք»ները անշուշտ իրատէսութեան կամ րէալփոլիթիքի շպարին տակ փախուստի ճամբաներ են բուն մարտահրաւէրէն:

 

Բարոյական գետնի վրայ այնքան խորհրդանշական ու կարևոր յաղթանակը իր կարգին, քաղաքական գետնի վրայ անգնահատելի կարևորութիւն կը ներկայացնէ ԱՄՆ-ի կողմէ Հայկական Ցեղասպանութեան ճանաչումը` որ ինքնին հիմքը պիտի ծառայէ զայն յաջորդող բոլոր քայլերուն և քաղաքական նախաձեռնութիւններուն:

 

Անհեթեթութիւն է հաւատալ թէ կարելի է յաջող և խելամիտ կերպով հետապնդել Ցեղասպանութեան վնասներու գծով հատուցումներ ձեռք բերելու քայլեր, առանց այդ բոլորի հիմքը հանդիսացող պատմական փաստի պաշտօնական ճանաչման: 

 

Հետեւաբար, ամերիկեան կամ նոյնիսկ միջազգային  դատարաններու մակարդակով ցեղասպանութեան աւերներու գծով փոխ-հատուցման ձգտող քայլերուն համար շատ կենսական արժէք ունի պաշտօնական ԱՄՆ-ի ճանաչումը:

 

Տասնամեակներու վրայ երկարող, մի քանի սերունդներու կողմէ ճանաչման ձգտող ժրաջան և մաշեցնող գործունէութիւնը այս շաբաթ յաղթանակի պատեհութիւնը մը կը ստանայ: Քաղաքական կեանքի տրամաբանութիւնը մեզ թելադրած է յաղթանակին համար պատրաստել ու պատրաստուիլ` յարմարագոյն պահուն գրոհը յաջողութեամբ պսակելու համար:

 

Այսօր մեր գրոհին պահը հասած է:

 

Աշխարհաքաղաքական, ինչպէս նաև ամերիկեան քաղաքական իրավիճակը մեր յաղթանակին համար նպաստաւոր գետին ստեղծած է, և ուրեմն պարտինք մեր գրոհին անցնիլ: Երկու օրէն, Ներկայացուցիչներու Տան մէջ քուէարկութեան պիտի դրուի Հայկական Ցեղասպանութիւնը ճանչցող բանաձևը:

 

Մեր ազգային գերագոյն շահերէն թելադրուած, Արցախի խնդրով թրքական քայլերը զսպելու նպատակով, մինչև իսկ Հայաստանի հետ Թուրքիոյ յարաբերութիւնները ճիշտ տեղը դնելու համար, «Ցեղասպանութեան Բանաձևը» պէտք է անյապաղ ընդունուի:

 

Յաղթանակը մերն է, եթէ այս երկու օրերուն աւելի լարենք մեր կարողականութիւնը և գործենք կարգապահութեամբ:

 

Յաղթանակը մերն է եթէ իւրաքանչիւրս չի զլանայ իր անմիջական մասնակցութիւնը բերելու միասնական և հաւաքական ճիգին:

 

Միանա ՛նք պայքարին, և անսանք Հայ Դատի Յանձնախումբի կողմէ րոպէ առ րոպէ կատարուած թելադրանքներուն` ճնշման տակ պահելով բոլոր անհատ քոնկրէսականները անխտիր:

 

Յաղթանակը մերն է` ուստի դէպի յաղթանակ:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture