image
Հրատապ լուրեր:

«Հաւատք ունիմ, եւ Աստծոյ վախ ունիմ...» Գօգօ Ալեքսանեան կը սպասէ մեր օգնութեան

«Հաւատք ունիմ, եւ Աստծոյ վախ  ունիմ...» Գօգօ  Ալեքսանեան կը  սպասէ մեր օգնութեան

 Օրեր  առաջ   «Արեւելք»    կարճ   նիւթ մը հրապարակած էր   հալէպահայ  մեր հայրենակից   ՝Գօգօ  Ստեփանեանին  մասին։

 Նիւթին մէջ  ալ  անդրադարձ   կատարած էինք ու յայտնած, որ  Գօգօն իր խնդիրներուն  եւ ակնկալիքներուն  մասին հանդէս եկած է կարճ  գրառումով։ Ստորեւ կը ներկայացնենք     այդ   գրառումը, նշելով, որ գրութիւնը  ենթարկած են  որոշ  փոքր խմբագրումի։

Ամէն  պարագայի մեր ակնկալիքն է, որ «Արեւելք»ի    ընթերցողները  եւս արձագանգեն  եւ   իրաքանչիւրը, իր կարելիութեան   սահմաններուն  մէջ    օժանդակութեան  ձեռք  մեկնէ Գօգօ  Ստեփանեանին։

 

 

Ստորեւ  ՝ Գօգօ  Ստեփանեանի  գրառումը։

 

 

      Բարեւ սիրելի հարազատներ, քոյրեր եւ եղբայրներ: Ձեր եղբայրը մինչեւ այսօր բան  չէ խնդրած, վերը Աստուած կայ: Շատ մարդկանց օգնած  եմ, ինչ որ ձեռքէս  եկած  է    Աստծոյ շնորհքով ըրած եմ: Աստծոյ զաւակն  ըլլալով ամէն ինչ կորսնցուցած եմ միայն. Հաւատք  ունիմ եւ վախ ունիմ...  Ուսում չունիմ բայց խելք ունիմ եւ սիրտ ունիմ, միշտ կը մտածեմ վերջին Աստծոյ գալիք օրուան  եւ դատաստանին մասին։

 Շատ վատ օրերերու   մէջ  եմ,  ու սատանան է, որ  խաղեր կ՚ընէ    որպէսզի    սխալ  ճամբաներով  երթամ, այն ինչ չեմ ըրած  մինչեւ հիմա...։  Վեց տարիէի    նոյն տեղը կ՚աշխատիմ,  ուր զիս ամէն ինչով  կ՚օգնեն  ամէն ինչով հարազատներէս  աւելի, բայց ես շատ ամօթի   մէջ  կը մնամ  անոնց վերաբերմունքին  դիմաց...։   Անցեալ  շաբաթ, ես  5 օր հիւանդանոց  մնացի,  սրտի հարցով, շատ ծխելէն եւ խմելէն... Հիմա  ուտելու ախորժակ ալ  չունիմ,տխուր եմ   ու    ճնշուած։  Միշտ մէջս  նետելով  եւ ամէուն հոգը  առնելով ես այսօրուան վիճակին  հասայ ...։

 

 Իմ խնդրանքս է  բոլորիդ, որ ինծի օգնէք   եւ   մինչեւ սեպտեմբեր 2 սրտի  բաց գործողութիւն  ըլլալու օրս    ձեր  սրտէն բխածը տաք։  Ձեր փոխանցումները  կրնաք  ընել

  «Հալէպ Հայրենակցական Բարեսիրական Հասարակական Կազմակերպութիւն» (Երեւան)/ Compatriotic Charitable Organization (NGO) in Yerevan

Գրասենեակի հեռաձայն ՝ +374 096545361

Հեռաձայնի  թիւս  

+374 093630793

 

Գործողութեան  ընդհանուր   գումարը 1.5 միլիոն դրամ  է  եւ պատրաստ պէտք է  ըլլայ մինչեւ 2  սեպտեմբեր: