ՀՅԴ անդամ, Ամերիկահայ քաղաքական գործիչ Վիգէն Յովսէփեան կը գրէ ՝
Գոհունակութեամբ կ‘արձանագրենք թէ ընթացիկ տարուան Յունիս ամսուն, տարեշրջան մը ևս բոլորեց «Արշաւիր և եւ Հերմինէ Յովսէփեան» կրթական մրցանակը:
Սոյն կրթական մրցանակը կը հասնի երեք սփիւռքեան հայկական վարժարաններու` Նշան Փալանճեան Ճեմարանի (Պէյրութ), Րոզ եւ Ալեքս Փիլիպոս Ազգ. Վարժարանին (ԼԱ), եւ Ֆերրահեան-Գապայան Ազգ. Վարժարանի (ԼԱ) այն շրջանաւարտներուն, որոնք գերազանց արդիւնքներ արձանագրելով մէկտեղ, նաեւ կը ցուցաբերեն ներգործօն մասնակցութիւն մեր հայկական- ազգային իրականութեան մէջ:
Վերոյիշեալ ուսումնական հաստատութեանց նախակրթարանի, միջնակարգի, և երկրորդականի կարգերու շրջանաւարտներուն կը յանձնուի 500-էն մինչեւ 2000 ամն տոլարի սահմաններուն մէջ մրցանակներ:
Իր հիմնադրութենէն մինչեւ օրս Արշաւիր եւ Հերմինէ Յովսէփեաններու յիշատակը անմահացնելու, և անոնց ազգային իտէալները գործնականացնելու ձգտող այս մրցանակը բաշխուած է 87 խոստմնալից հայ ուսանողներու: