Գանատահայ հասարակական գործիչ Տիգրան Ղորղորեանը իւրայատուկ ձեւով մը ոգեկոչած է երկար տարիներ սերունդներու դաստիարակ հանդիսացած երաժիշտ, խմբավար եւ ուսուցիչ Սեպուհ Աբգարեանի յիշատակը։
Ղորղորեան, որ նկարած է Աբգարեանը, յայտնած է, որ այդպիսով կ՚ոգեկոչէ իր սիրելի ուսուցիչին յիշատակը։
Ան մասնաւորաբար գրած է՝
«Այս աշխատանքս կը կոչեմ «Իմ Ուսուցիչը», նուիրուած է մեր շատ սիրելի ուսուցիչին Պարոն Սեպուհ Աբգարեանին: Իր կորուստը մեծ ցաւ մըն է ոչ թէ միայն իր աշակերտներուն համար այլ ազգին: Հողը թող թեթեւ ըլլայ վրադ սիրելի ուսուցիչ»։
Յիշեցնենք, որ Սեպուհ Աբգարեան երկար տարիներ, որպէս կրթական մշակ գործած է Կիպրոսի Մելգոնեան վարժարանին մէջ ու նաեւ եղած է աշխարհառչակ «ԳՈՀԱՐ» երգչախումբի գլխաւոր խմբավարը։