Հաղորդագրութենէ մը տեղեկացայ որ, Փասատինայի Հայ Աւետարանական Առաջին Եկեղեցին իրեն գլխաւոր հովիւ ընտրած է Վերապատուելի Սերոբ Մկրտիչեանը:
կը շնորհաւորեմ ...
Անկեղծօրէն չեմ գիտեր նախ Եկեղեցի՞ն, թէ՞ Վերապատուելին շնորհաւորեմ: Ընդունուած կարգի համաձայն պէտք է շնորհաւորեմ Վերապատուելին, սակայն...
Քեսապ ծնած Վերապատուելի Սերոբ Մկրտիչեանը 1997-էն 2015 եղած է Հալէպի Էմմանուէլ Մայր Եկեղեցւոյ հովիւը:
Զինք ճանչցած եմ որպէս մարդ, եւ համոզում գոյացուցած եմ որ ան ՄԱՐԴ է բառիս բուն առումով:
Զինք ճանչցած եմ որպէս հովիւ, եւ համոզում գոյացուցած եմ որ ան հեռատես, քաջ եւ հօտին նուիրեալ հովիւ է, ամէնէն անբասիրը Հալէպի կրօնականներուն:
Զինք ճանչցած եմ որպէս հայ, եւ համոզում գոյացուցած եմ որ ազգին նուիրեալ առաջնորդ մըն է:
Հետեւաբար սրտանց կը շնորհաւորեմ նորընտիր հովիւն ու եկեղեցին միաժամանակ:
Յաջողութեան ամենաջերմ մաղթանքներս: