Անծանօթ դիակ մը գտնուած է Պուրճ Համուտի մայրուղիին վրայ (Լուսանկար)... Նորընտիր խորհրդարանին մէջ «Իմ քայլը» դաշինքը կ'ունենայ 88, ԲՀԿ-ն՝ 26, ԼՀԿ-ն՝ 18 մանտաթ... Հնչած մեղադրանքները անհիմն են.Սէուտական Արաբիան արձագանգեց... «Կանչ գլխարկ»ն ու հեղինկաը...
«Աթոռահարութիւն». Խաժակ Այնթէպլեան
«Աթոռահարութիւն». Խաժակ  Այնթէպլեան
08 Ապրիլ 2018 , 11:37

Այս կիրակի քիչ մնաց  «աթոռահար» ըլլայի...

Նորէն հարցը «Սինեմա»էն սկսաւ: Գիտէ՞ք չէ,  ի տարբերութիւն մեր ազգային սրահներուն, սինեմայի սրահին  առջեւի շարքը այնքան ալ յարգի չէ:  Այստեղ արժէքաւորը  ամենաետեւի շարքն է, անշուշտ գինն ալ աւելի բարձր է: Երէկ գիշեր սինեմայի տոմսավաճառուհին ամէն անգամուայ  պէս,  վարպետ առեւտրական ձեւանալով,   փորձեց զիս համոզել թէ ես իրենց կարեւոր յաճախորդներէն մէկը ըլլալով  պէտք է անպայման  ետեւի շարքի VIP աթոռներէն մէկը փորձեմ:  Ես ալ վարպետ յաճախորդ ձեւանալով պատասխանեցի,  թէ փոխանակ իրենց VIP  աթոռը փորձեմ, կը նախընտրեմ  սովորական աթոռ մը առնել  ու ամիսը մէկ երկու ֆիլմ աւելի դիտել: 

Տոմսս առի, ներս մտայ ու գացի  սովորական յաճախորդի իմ   տեղս նստայ: Ֆիլմը սկսելու վրայ էր, բայց սրահը գրեթէ  պարապ էր: Չորս կողմս նայեցայ, հազիւ հինգ վեց հոգի կար, իսկ կարեւոր յաճախորդներու համար նախատեսուած շարքը  ընդհանրապէս  մարդ չկար: Ճարպիկ յաճախորդի մը պէս կամացուկ մը տեղէս ելայ ու գացի ետեւի շարքին ճիշդ մէջտեղը բազմեցայ:     

Հինգ վայրկեան չանցած մէկը ուսերս ցնցեց: Աթոռին իրաւատէրն էր: Շատ զայրացած էր:  Ես խնդիր չստեղծելու համար արագ մը գահս զիջեցայ ու երկու աթոռ դէպի ձախ փոխադրուեցայ: Կարեւոր անձնաւորութիւնը սակայն, փոխանակ հանդարտի, դուրսէն օգնութիւն կանչեց ու զիս VIP-ի սահմաններէն դուրս նետեց...

Վիրաւորուած յաճախորդի մը պէս սրահէն դուրս ելայ  ու գացի մօտակայ սրճարան մը մտայ...  Անմիջապէս  մատուցողը քովս վազեց ու «բոլոր աթոռները  պատուիրուած են»  յայտարարեց :

-Սակայն, եթէ շատ կը փափաքիք, կարեւոր անձնաւորութիւններու համար նախատեսուած VIP անկիւն  մը ունինք:

-Ճանըմ, սուրճ մը, սիկարէթ մը պիտի ծխեմ, սովորական աթոռ մը կ՚ուզեմ:

-Սովորական աթոռներ չունինք, դուրս ելիր հոսկէ նախքան ոստիկան կանչեմ...

Զայրացած տուն վերադարձայ  ու առանց շուրջս նայելու ջղայնութիւնս կնիկիս  գլխուն պարպեցի՝

- Աթոռ մը բեր ինծի...  սուրճ մը  պատրաստէ , սիկարէթ մը տուր...

-Ճանըմ հանդարտիր... նախ շուրջդ նայիր, բարեւ մը ըսէ: Չե՞ս տեսներ , կարեւոր հիւրեր եկած են ու բոլոր աթոռները զբաղուած են:

«Թանսյոն»ս երկինք ելաւ, տաքութիւնս բարձրացաւ ...

-Ձեզի ալ ձեր աթոռներուն ալ... Վաղը պիտի երթամ , կաշիէ , սիրուն, հանգստաւէտ   աթոռ մը  գնեմ եւ ուր որ երթամ հետս պտըտցնեմ :

Սիրտս պարպելով ննջարան գացի, անկողին մտայ  ու վերմակը գլխուս քաշեցի:

Հազիւ աչքս քուն անցած էր, մէկը անկողինս ցնցեց: Աչքերս բացի , շատ ծանօթ  մէկն  էր, ուսերուն վրայ աթոռ մը դրած քովս կայնած էր: Կարեւոր անձնաւորութիւն մը կ'երեւէր,   բայց չկրցայ գիտնալ թէ շիտակ ով էր...   Կամ նախագահ էր, կամ վարչապետ էր... կամ ալ երեսփոխանական թեկնածուներէն մէկն էր... տխուր կ'երեւէր , լալով կը խօսէր ...  եկած էր ինձմէ օգնութիւն կ'ուզէր ...

- Ծանր հիւանդ եմ , օգնեցէք ինծի : Սա աթոռը  պիտի խենթացնէ   ինծի ... Արդէն ուր որ երթամ հետս կը պտըտի : Ամէն մարդ զզուելով կը նայի ինծի ...  

Երկար զննեցի...  Շա՜տ ծանօթ մէկն էր , բայց չկրցայ գիտնալ թէ    ճիշդ  ով էր ... Յանկարծ նկատեցի որ  դիմագիծ  չունի ... Գլուխ ալ չունի... Ուրեմն  ազգին վերերէն եկած կ'երեւի: Սարսափով դիտեցի գլխուն փոխարէն ուսերուն վրայ  դրուած  աթոռը , վախէս երեք անգամ խաչակնքեցի եւ զայն  ղրկեցի գրողին ծոցը   ...

Անկողինէս դուրս ցատկեցի ,  հայելիին առջեւ վազեցի  ու  հանգստացած շունչ մը արի..

Ձեր կարծիքով ո՞ր մէկն է լաւը... կաշիէ , սիրուն ու հանգստաւէտ աթոռ ունենալ վերջն ալ  աթոռահարութենէ  տառապի՞լ, թէ՞ ուսերուն վրայ յստակ դիմագիծերով գլուխ ունենալ ու հանգիստ ապրիլ...   

 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture