14-ամեայ երիտասարդուհին սպաննուած գտնուած է. Հայազգի նախարարը կ'արձագանգէ... Ամենայն Հայոց Կաթողիկոսը ընդունած է Յունաստանի եւ Կիպրոսի պատուիրակութիւնները... Մոսկուա կ'ընդլայնէ Թարթուսի իր խարիսխը. Պատճա՞ռը... Կեսարիա. Ժողովրդային բժշկութիւն. Ատոմ Յ. Պուճիգանեան (Գ. մաս)...
Երբ թաղերը դիմագիծ կը փոխեն (Բ մաս). Լեւոն Շառոյեան
Երբ թաղերը  դիմագիծ կը փոխեն (Բ մաս). Լեւոն Շառոյեան
04 Դեկտեմբեր 2017 , 21:31

Թիլէլի տխուր եւ այլափոխուած դիմագիծը կը շարունակուի իր երկրորդ հատուածին մէջ եւս։

Այս հատուածը կը սկսի Ֆարհաթ հրապարակի մուտքի անկիւնադարձէն եւ ուղիղ գիծով կը շարունակուի մինչեւ «Հրշէջներու պողոտայ»ին սկիզբը։

Հատուածին հայկական ներկայութեան մասնաւոր փայլք մը կու տային Հայ Կաթողիկէ առաջնորդարանն ու մայր եկեղեցին, որոնք տրոփող սիրտը կը կազմէին համայնքին։ Պատերազմը տակնուվրայ ըրաւ ամէն ինչ։ Եկեղեցին թիրախ դարձաւ հրթիռներու, մեծ վնասներու ենթարկուեցաւ, փակեց իր դռները։ Իսկ առաջնորդարանն ու անոր կից գտնուող Ս. Գրիգոր միջնակարգ վարժարանը ժամանակաւոր կերպով տեղափոխուեցան այլուր…։

Հիմա վերանորոգութեան ու շինարարութեան փուլի մը մէջ են այս բոլորը, առանց որ յաւակնին վճռորոշ դեր մը ունենալ Թիլէլի հայկական դիմագիծին վերականգնումին մէջ։ Ատիկա անհնար կը թուի։

Ամբողջ Թիլէլը, մէկ ծայրէն միւսը, մանրավաճառներու բոյն մը դարձեր է։ Շլացուցիչ ըլլալու չափ առատ ապրանք կը յորդի մայթերու վրայ բացուած սեղանիկներէն ու խանութներէն։ Բայց շուրջբոլորը հայ չկայ։ Հայերէն տառերով գրուած ցուցանակներ մի՛ փնտռէք այլեւս։ Թերեւս միակ բացառութիւնը, որ աչքի կը զարնէ այստեղ, գորգավաճառ Արոյեանին երկփեղկ խանութն է։ «Յակոբ Արոյեան եւ որդի»։ Դեղագործ Գրիգոր Արոյեան կը շարունակէ հաւատարմօրէն բանեցնել իր հօր պատմական խանութը ու ապրեցնել հինէն ժառանգուած թանկագին աւանդ մը։ Միւսները չկան։ Ո՛չ ատամնաբոյժ Նուպար Աճոյեանը, ո՛չ տոքթ. Մանուէլ Իսկէնտէրեանը, ո՛չ տոքթ. Ալեքսանտր Սիւլահեանը, ո՛չ հայ ոսկերիչները, ո՛չ ալ ուրիշ հայ վաճառատուներ։ Գաղթեր են բոլորն ալ։

Ու երբ կը հասնիմ Թիլէլի վերջաւորութեան, կը կանգնիմ քաղցրաւենիքի երբեմնի «Խուտարի» վաճառատան մայթին վրայ ու տխո՜ւր հայեացքով մը կը դիտեմ դիմացի շէնքերը, աջ ու ձախ, որոնք դեռ կը կրեն պատերազմին հետքերը։ Չեմ ուզեր նայիլ դէպի Ճիտէյտէ առաջնորդող փողոցին, որովհետեւ քաջ գիտեմ՝ թէ ամբողջովին քարուքանդ է ատիկա։ Կը նայիմ հակառակ ուղղութեամբ։ Ի զո՜ւր կը փնտռեմ Ֆօթօ Հայկին ցուցանակը։ Ա՛յդ ալ քակուեր է ու չքացեր։ Թաղամասին խորհրդանիշն է որ սրբուեր է կարծէք։ Շուրջ վաթսուն տարի, մինչեւ իր խոր ծերութիւնն ու մահը (նուազ քան տարի մը առաջ), Հայկ Աւետիսեան կրցեր էր ապրեցնել տիպար ու առաջնակարգ լուսանկարչատուն մը, որուն պատերէն մեզի կը ժպտէին ի՜նչ-ի՜նչ մտերիմ դիմանկարներ։

Կային ու չկա՛ն…


Լեւոն  Շառոյեան

 Հալէպ

 

Նիւթի առաջին մասը՝ հոս

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture