image

Ինչպէս ազգը մեծ փորձանքներէ ազատել.Խաժակ Այնթէպլեան

Ինչպէս ազգը մեծ   փորձանքներէ  ազատել.Խաժակ  Այնթէպլեան

Աշխարհը այնքան փտածութեամբ վարակուած է վերջերս , որ մասնագիտական խորհուրդ մը այս կիրակի կրնայ օգտակար ըլլալ ձեզի : Իսկ քանի որ ես մասնագիտութեամբ ատամնաբուժ եմ , իմ խորհուրդս հետեւեալն է .-

- Մի սպասէք որ անպայմնան զօրաւոր ատամնացաւ ունենաք, որպէսզի ստիպուած ատամնաբուժի երթաք : Ձեր ակռաներուն վրայ հազիւ պզտիկ սեւ    կէտ  մը նշմարէք անմիջապէս ատամնաբուժի վազեցէք: Այդպէս դուք ձեզ տանջող ցաւէն կ’ազատէք , ինչպէս նաեւ ձեր դրամը կը խնայէք: Վերջը մեզի մի մեղադրէք թէ ինչու ակռան ծակեցաւ , բեռնէն անտանելի հոտ մը ելաւ , բուժումը ինչու այդքան երկարեցաւ , ծախսն ալ այդքան մեծ ելաւ :

Նոյն խորհուրդը օգտակար պիտի ըլլար մեր ազգային կեանքին մէջն ալ : Երանի հազիւ պզտիկ փտածութիւն մը նշմարէինք , անմիջապէս անոր ճարը գտնէինք ու պատճառը հեռացնէինք : Այդպէս ազգը մեծ փորձանքէ կ՚ազատէինք , ունեցածն ու չունեցածն ալ կը փրկէինք .... Հիմա փտածութիւնը այնքան շատցած է այլեւս , որ ազգային փողոցներուն մէջ քիթերնիս գոց կը քալենք եւ անտանելի հոտին համար մէկս միւսը կը մեղադրենք:

Նեղ պարագային մենք ատամնաբուժներս փտած ակռան կը հեռացնենք , տեղը նոր մը կը ցանենք : Նորը թէեւ արհեստական պիտի ըլլայ սակայն յաճախ բնականէն շատ աւելի տոկուն ու գեղեցիկ դուրս կուգայ :

Չէ՞ք կարծեր որ ժամանակն է այլեւս մեր ազգային կեանքին մէջէն փտածները հանելու , եւ անոնց տեղ նորն ու գեղեցիկը եւ աւելի ամուրները ցանելու...

 

  Խաժակ Այնթէպլեան/Այնճար