Իսրայէլ վերջնական որոշում կը կայացնէ «Հըզպալլա»ի դէմ պատերազմ մղելու շուրջ... Արցախ կը պատրաստուի նշելու Ղարաբաղեան շարժման 30ամեակը... Եթէ այսպէս է արաբ ըլլալը, մենք կը հրաժարինք անկէ. Ասատ... Ռոն Թորոսեան վարձուած է Թուրքիոյ ի նպաստ PRի համար. Արդեօք ան իրապէս հա՞յ Է...
Ո՞ր հալէպահայը չէր ճանչնար զինք, Ճեմարանի օթօքարի շէօֆէր Վարուժը
Ո՞ր հալէպահայը չէր ճանչնար զինք, Ճեմարանի օթօքարի շէօֆէր Վարուժը
18 Հոկտեմբեր 2017 , 12:41

Սոնա Թիթիզեան Կէտիկեան

Չափազանց խստաբարոյ էր քեռիս, բոլորին ամմօ Վարուժը, որուն ամբողջական անունը Դանիէլ Վարուժան Տէր Պօղոսեան էր... Ո՞ր հալէպահայը չէր ճանչնար զինք, Ճեմարանի օթօքարի շէօֆէր Վարուժը, որուն ժամադրութիւնները Պիկ Պէնի վրայ կը քալէին, ինչպէս կ'ըսէին իր աշակերտներուն ծնողները: Ծայր աստիճան բծախնդիր, մաքրասէր, ջղային եւ պահանջկոտ էր: Մանկութեանս յիշատակներուն մէջ ինծի կը թուէր, թէ մեր բոլոր հարազատները կը վախնային իրմէ, ինչպէս նաեւ մենք՝ գերդաստանի բոլոր փոքրիկները... Վա՜յ մեզի եթէ օր մը առանց պարտականութիւն կատարելու դպրոց գացած ըլլայինք, կամ լրիւ տարազ հագած չըլլայինք, այս պարագային տնօրէնէն կամ հսկիչէն չէր որ կը պահուըտէինք, այլ՝ քեռիէս, որովհետեւ ան շա՜տ աւելի խստութեամբ կը պախարակէր մեզ...


Սակայն ան բոլորովին ուրիշ կերպար մըն էր շաբաթ գիշերները, անոր դուռը մի՛շտ բաց էր բոլորին դիմաց, անոր առատ սեղանէն անպակաս էին բոլոր հարազատները, դրացիները, բարեկամներն ու նոյնիսկ օտարները... Կը յիշեմ զինք, երբ Շաբաթ երեկոյեան խնճոյքներուն մօրմէս կը խնդրէր, որ երգէ: Մայրս բացարձակապէս չէր մերժեր անոր խնդրանքը եւ գեղեցիկ ձայնով կ'երգէր «Զեփիւռի նման» կամ «Եկար անցար մեր թաղով» երգերը, ապա կը հնչէին մեր խմբային երգերը, ասմունքները, եւ բոլորը կը պարէին... առաջին պարը կ'ըլլար քեսապցիներուն պարը, որուն պաշը բռնած կ'ըլլար հանգուցեալ հայրս, ան ալ իր կարգին քեսապերէն երգերով կ'ոգեւորէր բոլորս՝ մեծ ու պզտիկ... ապա կը հնչէին ազգային եւ յեղափոխական երգերը, որոնց այնքան ոգեւորութեամբ կը մասնակցէր քեռիս... Շաբաթ գիշերները քեռիս ամբողջովին կը կերպարանափոխուէր, աչքերը անհուն սիրով եւ բարութեամբ կը փայլէին, կը ժպտէր ու կ'երգէր... բան մը, որ շա՜տ տարօրինակ էր շաբթուան միւս օրերուն...


Տարիները անցան, մենք մեծցանք... մեծցանք ու հասկցանք, որ քեռիիս վարմունքը խստութենէ աւելի ճշդապահութիւն էր, կարգապահութիւն էր եւ դաստիարակութիւն... մեծցանք եւ անդրադարձանք, թէ որքա՜ն մեծ սրտի տէր էր քեռիս՝ մանաւանդ երբ անվարան օգնութեան կը փութար բոլոր հարազատներուն եւ բարեկամներուն, երբ ան հոս ու հոն կը բարեխօսէր այս կամ այն կարիքաւորին համար, մեծցանք եւ հասկցանք, որ անոր խոժոռ դէմքին ծալքերուն մէջ տարիներու դառն փորձառութիւններ կուտակուած էին... մեծցանք եւ մեր մտքերուն մէջ վառ մնաց անոր անմոռանալի յիշատակը, անոր բարեսրտութիւնը, մանաւանդ՝ երազային Շաբաթ գիշերները...


Անողոք հիւանդութիւնն ու պատերազմը հիւծեցին յաղթանդամ եւ հուժկու քեռիս, մինչեւ որ օր մը անդարձ հեռացաւ ան այս անիրաւ աշխարհէն...


Ննջէ՛ խաղաղութեամբ, սիրելի՛ քեռիս, ննջէ՛ հանգիստ, եւ քու անթառամ յիշատակդ անմար պիտի մնայ մեր բոլորին սրտերուն մէջ...


Ս.Թ.

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture