Աստուած հոգիդ լուսաւորէ՛ մեծ հայր, եղբայր եւ սերունդներու դաստիարակ՝ գերյ. հ. Անդրանիկ Ծ. Վրդ. Կռանեան: Յետ այսու, հպարտանքով պիտի արտայայտուինք թէ՝ քեզ նման ուսուցիչի աշակերտած ենք: Սերունդներու պիտի փոխանցենք քու անմահ անունդ՝ որպէս Զմմառու Պատրիարքական Կղերի Միաբանութեան անդամ, խիզախ մտաւորական, արի հոգեւորական, ՀԱ՛Յ վարդապետ եւ աղօթասէր Միաբան: Այսօր, համայն հայութիւնն ու հայ մամուլը կ'ողբայ ու կը ցաւի, իսկ քու այնքա՜ն սիրած միաբանութիւնդ կը սգայ: Յիշատակդ անթառամ պիտի մնայ իւրաքանչիւրիս սրտին ու հոգիին մէջ: